चर्चित गायक राजु लामाले सोमवार बिहान सगरमाथाको सफल आरोहण गरेका छन । जलवायु परिवर्तनको असरबारे सन्देश दिन लामाले सर्वोच्च शिखर चढेका हुन् ।
इम्याजिन नेपाल एक्सपिडिसनका अनुसार सोमवार बिहान ४ बजेदेखि ६ बजेर ४० मिनेटसम्ममा टिमका सबै जना सगरमाथाको चुचुरोमा पुगेको सामाजिक सञ्जालमार्फत सार्वजनिक गरेको छ ।
इम्याजिन नेपाल एक्सपिडिसनका तर्फबाट २७ जनाले सगरमाथा आरोहण गरेका छन् । आरोहण दलको नेतृत्व मिङ्मा जीले गरेका थिए ।
इम्याजिन नेपाल एक्सपिडिसन ग्रुपमा नेपाल, चीन, अष्ट्रेलिया, रुस लगायतका आरोही सहभागी छन् ।
जलवायु परिवर्तनको असरबारे सन्देश दिन सर्वोच्च शिखर चढेका लामाले सगरमाथाको ६,५७४ मिटर उचाइमा एकल कन्सर्टसमेत गरेर कीर्तिमान बनाएका छन् । यो नै विश्वकै उच्च स्थानमा गरिएको कन्सर्ट हो ।
लेखक
सत्य, तथ्य र स्वतन्त्र सामूदायिक डिजिटल मिडिया
