अब, संयुक्त राज्य अमेरिकाका प्रत्येक घरले फेरि एक पटक अमेरिकी सरकारबाट नि:शुल्क कोभिड-१९ परीक्षण किटहरू प्राप्त गर्ने भएका छन ।
अमेरिकी सरकारले हुलाक मार्फत तेश्रो चरणको निःशुल्क कोभिड -१९ एन्टिजेन परीक्षण किटहरू प्रदान गर्ने भएको छ। यस पटक थप आठ परीक्षण किटहरू अमेरिकी हुलाक सेवा (USPS) मार्फत अर्डर गर्न सकिने छ ।
सरकारले प्रत्येक घरलाई यी परीक्षण किटहरुहरू अमेरिकी हुलाक सेवा (USPS) मार्फत अर्डर गर्न आग्रह गरेको छ। अघिल्लो चरणहरूमा परीक्षण किटहरु अर्डर गरेको वा नगरेको भएता पनि तेश्रो चरणमा कुनै पनि घरपरिवारमा आठ निःशुल्क एन्टिजेन परीक्षण किटहरु प्रदान गरिने COVID.gov साइटले जनाएको छ।
तेश्रो चरणको बितरण पश्चात हालसम्म प्रति परिवारले सोह्र वटा निःशुल्क एन्टिजेन परीक्षण किटहरुमा प्राप्त गर्नेछन ।
नोभेम्बर यता देखिएका BA.2 भेरियन्ट, र अझ बढी संक्रामक देखिने दुई अन्य सब वेरियन्टहरूका कारणले अमेरिकामा कोभिड संक्रमण बढनेक्रम जारी रहेकाले सरकारले तेश्रो चरणको परीक्षण किटहरु बितरण कदम उठाएको हो।
अमेरिकी हुलाक सेवा (USPS) मार्फत परीक्षण किटहरु अर्डर गर्न तलको लिङ्कमा क्लिक गर्नुहोस।
अर्डर गर्ने यहा क्लिक गर्नुहोस
सत्य, तथ्य र स्वतन्त्र सामूदायिक डिजिटल मिडिया
