नेपाल आयल निगमले पुन पेट्रोलियम पदार्थको मूल्यमा भारी वृद्धि गरेको छ।निगमले आज राति १२ बजेदेखि लागु हुनेगरी पेट्रोल, डिजेल र मट्टीतेलको मूल्यमा प्रतिलिटर १० रुपैयाँले बढाएको छ ।
निगमले जारी गरेको बिज्ञप्ती अनुशार पेट्रोलको मूल्य प्रतिलिटर १८० पुगेको छ । डिजेल र मट्टीतेलको मूल्य प्रतिलिटर १६३ पुगेको छ ।
खाना पकाउने एलपी ग्यासमा दुई सय रुपैयाँ वृद्धि गर्दै १,८०० पुर्याइएको छ । यसैगरी, हवाई इन्धन (आन्तरिकतर्फ) को मूल्य पनि बढेको छ । १० रुपैयाँ वृद्धि गरेर प्रतिलिटर १६६ रुपैयाँ तोकिएको आयल निगमले जनाएको छ ।
अन्तर्राष्ट्रिय बजारमा प्रशोधित तेलको मूल्य निरन्तर बढ्दै गएकाले यो मूल्य समायोजनपछि पनि पेट्रोलमा मासिक १ अर्ब, डिजलमा ३ अर्ब ४० करोड र एलपी ग्याँसमा ३ अर्ब घाटा हुने देखिएको निगमले जारी गरेको बिज्ञप्ती उल्लेख गरेको छ ।
यसैबिच, निगमले इन्धनको मूल्यवृद्धि गरेपछि सामाजिक सञ्जालमा चर्को आलोचना भइरहेको छ । विभिन्न विध्यार्थी संगठनहरूले इन्धनको मूल्यवृद्धिको चर्को विरोध गरेका छन।
निगमले जारी गरेको बिज्ञप्ती
सत्य, तथ्य र स्वतन्त्र सामूदायिक डिजिटल मिडिया
