इजिप्टको गिजा प्रान्त स्थित एउटा कप्टिक चर्चमा आइतबार भीषण आगलागी हुदा कम्तीमा ४१ जनाको मृत्यु भएको छ भने अन्य १२ जना घाइते भएका छन्।
उक्त आगलागी अबु सिफिन चर्चना भएको इजिप्टको स्वास्थ्य मन्त्रालयले जनाएको छ ।
इजिप्टको स्वास्थ्य मन्त्रालयबाट जारी भएको विज्ञप्ति अनुसार अबु सिफिन चर्चको आगलागी परि ‘मृत्यु हुनेको संख्या अझै गणना भइरहेको छ. उक्त दुर्घटनामा के कति मानवीय नोक्सानी भयो सो को एकिन विवरण आउन बाँकी रहेको छ।
इजिप्टका अधिकारिका अनुसार चर्च भवनको दोस्रो तल्लामा रहेको एयर कन्डिसनरबाट विद्युत् सर्ट भएर आगलागी भएको थियो ।
मृत्युको मुख्य कारण धुँवाले निस्सासन भएको जनाएको छ । इजिप्टको क्याबिनेटले जारी गरेको विज्ञप्ति अनुसार मृतकका परिवारले १,००,००० इजिप्टियन पाउण्ड ($५,२२०) प्राप्त गर्नेछन्।
गिजा, इजिप्टको दोस्रो सबैभन्दा ठूलो सहर, काइरोबाट नील नदी पार छ।
इजिप्टका राष्ट्रपति अब्देल फताह अल-सिसीले ट्विटमा भनेका छन्, “म निर्दोष पीडितहरूका परिवारहरूप्रति हार्दिक समवेदना प्रकट गर्दछु ।”
महर मुरादले आफ्नी बहिनीलाई प्रार्थनापछि चर्चमा छोडेको बताए ।
“म चर्चबाट १० मिटर मात्र टाढा पुगेपछि मैले चिच्याएको आवाज सुनें र बाक्लो धुवाँ देखे,” उनले भने।
“अग्निनियन्त्रकहरूले आगो निभाइसकेपछि, मैले मेरी बहिनीको शव चिनेँ। शवहरू सबै जलेका थिए, र तिनीहरूमध्ये धेरै बच्चाहरू थिए जो चर्चको नर्सरी कोठामा थिए।”
“मलाई थाहा छैन कि यो बिजुलीको आगो थियो वा के भयो, तर त्यहाँ केटाकेटीहरू र वृद्धहरू थिए, हामीले जसलाई बचाउन सक्छौं बच्यौं,” किरोलोसले भने, उनी घाइतेहरूको उपचार भइरहेको अस्पतालबाट बोल्दै थिए।
(रोयटर्सको सहयोगमा)
सत्य, तथ्य र स्वतन्त्र सामूदायिक डिजिटल मिडिया
