बिहीबार बस्ने प्रतिनिधिसभाको बैठकमा गृहमन्त्री बालकृष्ण खाँणले राष्ट्रपतिबाट सन्देशसहित फिर्ता भएको विधेयकलाई पारित गरियोस् भनेर प्रस्ताव राख्ने भएका छन् ।
राष्ट्रपतिबाट फिर्ता आएको नागरिकता विधेयक पारित गर्ने कार्यसूची अनुसार प्रतिनिधिसभा नियमावलीको नियम १३६ अनुसार राष्ट्रपतिबाट पुनर्विचारको लागि सन्देशसहित विधेयक फिर्ता भएपछि सभालाई जानकारी दिइन्छ । यस्तो जानकारी संसद सचिवालयले प्रतिनिधिसभामा सोमबार नै गराइसकेको छ ।
साउन २९ गते नागरिकता विधेयक पुनर्विचार गर्न भनेर राष्ट्रपति भण्डारीले प्रतिनिधिसभामा फिर्ता पठाएपछि सत्तारुढ गठबन्धनले त्यसको विरोध गरेको थियो। गठबन्धनका दलहरुले संघीय संसद्का दुवै सदनबाट नागरिकता विधेयक जस्ताको तस्तै पारित गरेर राष्ट्रपतिकहाँ प्रमाणीकरणका लागि पठाउने निर्णय समेत गरेको छ ।
संघीय संसद सचिवालयका अनुसार बिहीबार नै नागरिकता विधेयक पास भएर राष्ट्रिय सभामा पठाउने तयारी छ ।
कार्यसूची यस्तो छ :
सत्य, तथ्य र स्वतन्त्र सामूदायिक डिजिटल मिडिया
