Thursday, April 3, 2025
56.7 F
Washington DC.

इन्डियन आइडलका विजेता पवनदीप राजन “प्रेम गीत ३” बाट बने पहिलो पटक संगीतकार

सम्बन्धित समाचार

जिएनबी डेक्स
जिएनबी डेक्स
सत्य, तथ्य र स्वतन्त्र सामूदायिक डिजिटल मिडिया

रियालिटी शो ‘इन्डियन आइडल १२’ का विजेता पवनदीप राजन पनि संगीत निर्देशक बनेका छन् । हो, उनले आगामी चलचित्र ‘प्रेमगीत ३’ को ‘कोइ ना कोई नाता है’ बोलको रोमान्टिक गीतमा कम्पोज गरेका छन् । गीतलाई जुबिन नौटियालले निकै सुमधुर स्वर र शैलीमा गाएका छन् । यो गीतलाई फिल्मका निर्माता सुभाष काले र रुबी फुलेराले लेखेका हुन् ।

पहिलो इन्डो-नेपाली फिल्म “प्रेम गीत ३” सेप्टेम्बर २३, २०२२ मा ठूलो पर्दामा रिलिज हुँदैछ। नेपाली अभिनेता प्रदीप खड्का नायक रहेको यो चलचित्रमा मुख्य नायिका क्रिस्टिना गुरुङ छिन् । नेपाली भर्सनको “प्रेम गीत ३” लाई पहिलो पटक हिन्दीको ठुलो पर्दामा उतारिएको हो।

पवनदीप राजनले ठुलो पर्दाको सिनेमामा कम्पोज गर्न पाउनु आफ्नो लागि ठूलो अवसर भएको बताएका छन् । निर्माता सुभाष कालेले आफुलाई ठूलो अवसर दिएको र आफुले कम्पोज गरेको गीत हिन्दी फिल्ममा आउनु आफ्नो लागि सपना पूरा भएको राजनले भनेका छन् ।

पवनदीप राजन

यो चलचित्रका लागि राम्रो संगीत दिने सुअवसर पाएको भन्दै प्रेमगीत ३ एउटा चाख लाग्दो चलचित्र भएको र यो फिल्मलाई लिएर आफु निकै उत्साहित भएको पवनदीपले बताएका छन् । यसमा लभ स्टोरीसँगै उत्कृष्ट एक्सन रहेको छ, उनले थपे । यो गीतमा जुबिन नौटियालले एकदमै राम्रो गाउनु भएको भन्दै दुवै उत्तराखण्डका भएको बताए।

पवनदीप राजनले उत्कृष्ट धुन बनाएको निर्माता सुभाष काले बताउँछन् । त्यस्तै जुबीन नौटियालले निकै मिठास र मनले गाएको उनले बताए । “हाम्रो फिल्म “प्रेम गीत ३” सेप्टेम्बर २३ मा रिलिज हुँदैछ। पवनदीपले इन्डियन आइडलमा पाएको गीतलाई दर्शकले त्यति नै माया गरोस् भन्ने म चाहन्छु,” निर्माता सुभाष काले ले भने । यो गीतमा सुपरहिट हुन सबै गुण रहेको गीतकार तथा निर्माता सुभाष काले बताउँछन् ।

लेखक

सत्य, तथ्य र स्वतन्त्र सामूदायिक डिजिटल मिडिया

समाचार कस्तो लाग्यो ? प्रतिक्रिया दिनुहोस:
- Advertisement -spot_img

ताजा समाचार

विचार: क्रफोर्डको विस्कन्सिन जितले दिएको सन्देशः न्याय किन्ने साधन पैसा होइन

मंगलवार न्यायाधीश सुसान क्रफोर्डले विस्कन्सिन सर्वोच्च अदालतको चुनावमा ऐतिहासिक जित हासिल गर्दै पूर्व महान्यायाधिवक्ता ब्राड शिमेललाई पराजित गरिन्। यससँगै...

अन्य समाचार

- Advertisement -spot_img