अर्जेन्टिना र नेदरल्यान्ड्सबीचको दोस्रो क्वाटरफाइनलमा मैदानमा रहेका रेफ्री एन्टोनियो माटु लाहोजलाई फिफा विश्वकप २०२२ को बाँकी खेलका लागि घर पठाइएको बताइएको छ। अर्जेन्टिना सेमिफाइनलमा पुगेपछि लियोनल मेसीले रेफ्री लाहोजको कडा शब्दहरूमा आलोचना गरेका थिए। यो खेलमा लाहोजले १७ पहेँलो कार्ड र डेन्जेल डम्फ्रिजलाई एउटा रातो कार्ड दिएका थिए। खेल पश्चात रेफ्रीले दिएको कीर्तिमानी कार्ड संख्याका बारेमा सर्वत्र चर्चा भएको थियो ।
स्पेनी मिडिया हाउस कोपको रिपोर्ट अनुसार रेफ्री लाहोजलाई क्वार्टरफाइनल पछि स्पेन पठाइएको छ । भिडियो सहायक रेफ्री हडेज हेडेज, मार्टिनेज मुनुएरा र डी बुर्गोसलाई ह्यान्डल गर्ने अधिकारीहरू अझै कतारमै रहेको जानकारी दिएका छन् ।
रिपोर्टमा भनिएको छ, “नेदरल्यान्ड्स-अर्जेन्टिनापछि माटेउ लाहोजको विश्वकपमा सहभागिता समाप्त भएको छ।”
खेलको समाप्ती पश्चात अर्जेन्टिनाका कप्तान लियोनल मेसीले आफ्नो असन्तुष्टि जाहेर गर्दै भने कि फिफाले त्यस्ता रेफ्रीहरूलाई खेल सञ्चालन गर्न अनुमति दिनु हुँदैन किनभने उनले खेलको क्रममा आफ्नो कार्य सन्तोषजनक गण सकेनन । उनले भने, “म रेफ्रीहरूको बारेमा बोल्न चाहन्न तर जनताले भए गरेको देखेका छन्” । “मलाई लाग्छ कि फिफाले यो कुराको ख्याल गर्नुपर्छ, यसले यति ठूलो, यति महत्त्वपूर्ण खेलको लागि राम्रो रेफ्री राख्न सक्नु पर्दछ । रेफ्री काम गर्न असफल हुनु हुदैन।”
त्यस्तै अर्जेन्टिनाका गोलरक्षक इमिलियानो मार्टिनेजले पनि लाहोजको आलोचना गर्दै केही शब्द शेयर गरेका छन् । एस्टन भिल्ला ग्लोभम्यानले रेफ्रीले नेदरल्यान्ड्सले खेल बराबरी र पेनाल्टीमा लैजान चाहेको बताए। उनले भने, ‘रेफ्रीले उनीहरुका लागि सबै कुरा दिएका थिए । उनले बिना कारण १० मिनेट [थपिएको समय] दिए। उसले बक्सबाहिर उनीहरूलाई दुई, तीन पटक फ्री किक दिइरहेको थियो। उनी केवल नेदरल्यान्ड्सले गोल गरोस भन्ने चाहनुहुन्थ्यो, त्यो मूलतः यहि हो। त्यसोभए, आशा छ, हामीसँग त्यो सन्दर्भ अब छैन। ऊ बेकार छ ।”
सत्य, तथ्य र स्वतन्त्र सामूदायिक डिजिटल मिडिया
