बुधबार अदानी इन्टरप्राइजेजको शेयरमा ठूलो गिरावट आएको छ । इन्ट्रा डे ट्रेडमा कम्पनीको शेयर लगभग ३५% ले घट्यो। त्यसपछि साँझ अदानी समूहले ठूलो निर्णय गर्दै आफ्नो फलो-अन-पब्लिक अफरिङ (एफपीओ) रद्द गर्ने घोषणा गरेको छ । कम्पनीले अब लगानीकर्ताको पैसा फिर्ता गर्ने निर्णय गरेको छ ।
समाचार एजेन्सी रोयटर्सका अनुसार कम्पनीको स्टक जनवरी २७ मा खुलेर जनवरी ३१ मा बन्द भएको थियो । तर आज फेरवरी १ मा कम्पनीले एफपीओ खारेज गरेको छ । यो निर्णयपछि अब कम्पनीले लगानीकर्तालाई रकम फिर्ता गर्ने भएको कम्पनीले आजै जारी गरेको बिज्ञप्तिमा भनिएको छ ।
यो पनि पढनु होस्: भारतको प्रख्यात अदानी समूहलाई तीन दिनमा ६५ बिलियन डलरको घाटा, गौतम अदानी धनीको सूचीबाट झरे
अदानी समूहसँग अमेरिकी सर्ट सेलर कम्पनी हिन्डनबर्ग रिसर्चसँग विवाद हुँदा यो कुरा प्रकाशमा आएको हो । हिन्डनबर्ग को रिपोर्ट सार्वजनिक भएपछि अदानी समूहका कम्पनीको शेयरमा लगातार गिरावट आएको छ । अदानी इन्टरप्राइजेजले २० हजार करोडको एफपीओ ल्याउनु अघि जनवरी २४ मा हिन्डनबर्गले यो रिपोर्ट जारी गरेको थियो। जसमा अदानी समूहमाथि “दशकौँदेखि स्टक हेरफेर र लेखा जालसाजी” मा संलग्न रहेको आरोप लगाएको थियो । तर, अदानी समूहले यी आरोपहरूलाई अस्वीकार गर्दै “झूट बाहेक केही नभएको” बताएको छ।
सत्य, तथ्य र स्वतन्त्र सामूदायिक डिजिटल मिडिया
