Thursday, April 3, 2025
53.3 F
Washington DC.

अफ्रिकी देश मलावीमा फ्रेडी आँधीबाट ३०० भन्दा बढीको मृत्यु

सम्बन्धित समाचार

जिएनबी डेक्स
जिएनबी डेक्स
सत्य, तथ्य र स्वतन्त्र सामूदायिक डिजिटल मिडिया

दुई करोड जनसंख्या भएको अफ्रिकी देश मलावी फ्रेडी नामक आँधीबाट नराम्ररी प्रभावित भएको छ । फ्रेडी आँधीले यस देशमा तीन सयभन्दा बढीको मृत्यु भइसकेको छ । आँधीको अधिकतम प्रभाव ब्लान्टायर शहर नजिकै रेकर्ड गरिएको छ। विश्व मौसम विज्ञान संगठनका अनुसार यो आँधी दक्षिणी गोलार्धमा अहिलेसम्म आएका सबै आँधीभन्दा शक्तिशाली हुन सक्ने बताएको छ । यो आँधीको असर मोजाम्बिकले पनि भोग्नु परेको छ । फ्रेडी आँधीबाट मोजाम्बिकका धेरै भवनहरू भत्किए। यससँगै कयौं ठाउँमा पहिरो समेत खसेको संचार माध्यमले जनाएका छन् ।

मलावीमा घातक हैजाको प्रकोप
मलावीको क्वेलमेन बन्दरगाह नजिकै बाढीको अवस्था सिर्जना भएको संचार माध्यमले जनाएका छन् । यहि समयमा, मलावीमा घातक हैजाको प्रकोपसमेत देखिएको छ। यस्तो अवस्थामा मलावीमा निरन्तरको भारी वर्षाले हैजाको अवस्था झनै बिग्रन सक्ने राष्ट्रसंघीय निकायले जारी गरेको चेतावनीमा उल्लेख छ ।

मलावीका राष्ट्रपति लाजरस चकवेराले फ्रेडीबाट मृत्यु हुनेको संख्या ३२६ पुगेको घोषणा गरेका छन् । बिहीबार ढिलो राष्ट्रका नाममा सम्बोधन गर्दै उनले घाइते र बेपत्ताको संख्या क्रमशः २०१ र ७९६ पुगेको सिन्ह्वा समाचार संस्थाले जनाएको छ। विस्थापितको संख्या दोब्बरले बढेर १,८३,१५९ पुगेको उनले बताएका छन् । विस्थापित परिवारको संख्या अहिले ४०,७०२ पुगेको छ ।

आँधीमा मृत्यु हुनेको संख्यामा बृद्वी
राष्ट्रपति लाजरस चकवेराका अनुसार मुलुकले फ्रेडीको प्रकोप क्षेत्रमा स्थिति नियन्त्रणमा लिन ३ सय १७ शिविर स्थापना गरेको छ । मलावी नेताले स्थानीय र अन्तर्राष्ट्रिय संगठनहरूबाट थप मानवीय सहयोगको आवश्यकता दोहोर्याएका छन् । यसैबीच, स्थानीय व्यवसायहरूले फ्रेडीबाट प्रभावित बासिन्दाहरूलाई मद्दत गर्न १. ५ मिलियन अमेरिकी डलर उठाउने वाचा गरेका छन्।

विश्व मौसम विज्ञान संगठनका अनुसार फ्रेडी सबैभन्दा ठूलो आधी हो र यसको प्रभाव लामो समयसम्म रहन सक्छ। मोजाम्बिक र मलावीमा आधीबाट भएको क्षतिको आँकलन गर्न गाह्रो भएको छ । प्रभावित क्षेत्रका केही भागमा बिजुली आपूर्ति र फोन सिग्नलहरू काटिएपछि मृत्यु हुनेको सङ्ख्या बढेको संचार माध्यामले जनाएका छन् ।

लेखक

सत्य, तथ्य र स्वतन्त्र सामूदायिक डिजिटल मिडिया

समाचार कस्तो लाग्यो ? प्रतिक्रिया दिनुहोस:
- Advertisement -spot_img

ताजा समाचार

विचार: क्रफोर्डको विस्कन्सिन जितले दिएको सन्देशः न्याय किन्ने साधन पैसा होइन

मंगलवार न्यायाधीश सुसान क्रफोर्डले विस्कन्सिन सर्वोच्च अदालतको चुनावमा ऐतिहासिक जित हासिल गर्दै पूर्व महान्यायाधिवक्ता ब्राड शिमेललाई पराजित गरिन्। यससँगै...

अन्य समाचार

- Advertisement -spot_img