प्रजातान्त्रिक गणतन्त्र कंगोको पूर्वी इटुरी र उत्तर किभु प्रान्तमा इस्लामिक स्टेट- शङ्कास्पद चरमपन्थीहरूले गरेको शृङ्खलाबद्ध आक्रमणमा कम्तीमा २२ जनाको मृत्यु भएको छ । समाचार एजेन्सी रोयटर्सले अधिकारीहरूलाई उद्धृत गर्दै यो जानकारी दिएको हो।
रोयटर्सको पछिल्लो रिपोर्ट अनुसार इस्लामिक स्टेटले कंगोको पूर्वी गाउँमा भएको आक्रमणको जिम्मेवारी लिएको छ जसमा १० व्यक्तिको मृत्यु भएको छ र धेरै अन्य घाइते भएका छन्, समूहले टेलिग्राममा आइतबार बताएको हो ।
“लुबेरो प्रान्तमा यो हाम्रो पहिलो आक्रमण हो र यो आईएसको अपरेशनको लागि विस्तार हो,” समूहको टेलिग्राममा लेखेको छ।
आक्रमणबाट बास्तविक मृत्यु भएका र घाइते भएकाहरूको संख्या अझै एकिन हुन सकेके छैन।
प्रजातान्त्रिक गणतन्त्र कङ्गो (DRC) को पूर्वमा रहेको उत्तरी किभु प्रान्तमा भएको सशस्त्र समूह आक्रमणका कारण एक लाखभन्दा बढी मानिस विस्थापित भएका छन् र दर्जनौं मारिएका छन्, संयुक्त राष्ट्रसंघले बुधबार एक रिपोर्टमा जनाएको छ।
यो ब्रेकिंग न्यूज हो, थप अपडेटप्राप्त हुन बांकी छ।
सत्य, तथ्य र स्वतन्त्र सामूदायिक डिजिटल मिडिया
