यस वर्षको भाइटीकाको साइत कात्तिक २० गते, शनिवार विहान ११ः२ बजेमा उत्तम रहेको नेपाल पञ्चाङ्ग निर्णायक समितिले जनाएको छ ।
समितिका अनुसार भाइटीकाका समय दाजुभाइले पश्चिम फर्केर बस्न र दिदीबहिनीले पूर्व फर्केर टीका लगाउन राम्रो हुन्छ।
यस वर्षको यमपञ्चक अर्थात् तिहार पर्व कार्तिक १६ गते मंगलबार देखि सुरू भएको छ ।
नेपाल पञ्चाङ्ग निर्णायक समिति का अनुसार: कार्तिक १६ गते, मंगलवार काग तिहार र धनवन्तरी जयन्ती, कात्तिक १७ गते बुधबार- काकबली (कागतिहार) कुकुरतिहार ,नरकचतुर्दशी , १८ गते, विहिवार- लक्ष्मीपूजा, दीपमालिका, सुखरात्रि , १९ गते, शुक्रवार – गोबर्धनपूजा, गोवलीपूजा, हलितिहार, म्हपूजा, ने.सं ११४२ प्रारम्भ एवं कार्तिक २० गते, शनिवार यमद्वितीया भाइटीका ,(किजापूजा)
कुल परम्पराअनुसार कसैले लक्ष्मीपूजाको दिन बिहान पनि गाई पूजा गर्ने गरेका छन्। शास्त्रीयरूपमा गाईको पूजा भने कात्तिक शुक्ल प्रतिपदाकै दिन हुनुपर्ने समितिले जनाएको छ ।
सत्य, तथ्य र स्वतन्त्र सामूदायिक डिजिटल मिडिया
