रुसी निजी सेना ‘वाग्नर’का प्रमुख येभगेनी प्रिगोजिनले आफ्नो सेनाले युक्रेनी सहर बाख्मुतको नियन्त्रण मस्कोलाई सुम्पेको दाबी गरेका छन् । उनले भनेका छन् कि वाग्नरका सेनाहरू अब बख्मुटबाट पछि हटिरहेका छन्। केही दिन अघि प्रिगोजिनले आफ्नो सेनाले बाख्मुत सहर आफ्नो नियन्त्रणमा लिएको दाबी गरेका थिए । रुसी राष्ट्रपति भ्लादिमिर पुटिनका निकट मानिने प्रिगोजिनले एक भिडियो वक्तव्यमा रुसी सेनालाई बाख्मुत हस्तान्तरण गर्ने प्रक्रिया जुन १ सम्ममा पूरा हुने बताएका छन् ।
यद्यपि यस सम्बन्धमा रुसी रक्षा मन्त्रालयबाट तत्काल कुनै प्रतिक्रिया आएको छैन।
तर ‘वाग्नर’का प्रमुख प्रिगोजिनको दावीलाई स्वतन्त्र रूपमा प्रमाणित गर्न सम्भव छैन। उता, युक्रेनी जनरल स्टाफले बुधवार भनेका छन कि बाख्मुत भित्र “भयानक लडाई” जारी छ। केही दिनअघि रुसले बाख्मुत सहर पूर्ण रूपमा आफ्नो कब्जामा लिएको बताएको थियो ।
युक्रेनी राष्ट्रपतिका वरिष्ठ सल्लाहकार मिखाइलो पोडोल्याकले युक्रेनी सेनाले गरेको प्रतिकारात्मक कारबाही जारी रहेको र यसलाई कुनै निश्चित समय वा दिनमा बाँध्नु हुँदैन भनेका छन् । मिखाइलोले ट्विट गर्दै भनेका छन् कि रुसी सेनाले कब्जामा लिएका विभिन्न प्रयासहरू बारम्बार असफल भइरहेका छन्।
बख्मुत पूर्वी युक्रेनको एक शहर हो जुन डोनेट्स्क क्षेत्रमा अस्वस्थित छ । यो स्थान क्षेत्रीय यातायात र सैन्य आपूर्ति को एक प्रमुख केन्द्र हो। बख्मुत ठूलो संख्यामा रूसी भाषा बोल्ने औद्योगिक डोनबास क्षेत्रको एक हिस्सा हो। रुसले सधैं यसलाई आफ्नो सैन्य कारबाहीसँग जोड्दै आएको छ । यदि रूसले बाख्मुट कब्जा गर्न सफल भएमा त्यसपछि अन्य दुई शहर कब्जा गर्न सरल हुने उनीहरुको बिश्वास छ ।
सत्य, तथ्य र स्वतन्त्र सामूदायिक डिजिटल मिडिया
