मध्य फिलिपिन्सको बोहोल प्रान्तमा आइतबार बिहान ६५ जना सवार एउटा डुंगामा आगलागी भएको फिलिपिन्सको कोस्ट गार्ड (पीसीजी) ले जनाएको छ ।
पीसीजीका प्रवक्ता अरमान्डो बालिलोले स्थानीय समय अनुसार बिहान ४:३० बजे पाङ्गलाओ टापुको ‘एम/एस्पेरान्जा स्टार’ मा आगलागी भएको बताएका छन् ।
पीसीजीका प्रवक्ताका अनुसार एम/एस्पेरान्जा स्टार मा ६५ यात्रु र ५५ चालक दलका सदस्यहरु सहित १२० जना बोकेको फेरी डुंगा मध्य फिलिपिन्सको सिक्विजोर प्रान्तबाट बोहोल जाँदै गर्दा बिहानै आगो लागेको थियो।
उक्त दुर्घटनामा कुनै हताहत नभएको अधिकारीहरुले संचार माध्यमलाई बताएका छन् । पीसीजीले आगलागीको कारण खोजिरहेको छ।
लेखक
सत्य, तथ्य र स्वतन्त्र सामूदायिक डिजिटल मिडिया
