सिन्ह्वा समाचार एजेन्सीका अनुसार दक्षिणी ताइवानमा रहेको गल्फ फ्याक्ट्रीमा शुक्रबार भएको आगलागी र शृङ्खलाबद्ध विस्फोटमा १० जनाको मृत्यु भएको छ भने करिब १०० जना घाइते भएका छन् । कारखानाको भत्किएको संरचनामा फसेका चार अग्निनियन्त्रकको मृत्यु जनाइएको छ ।
सिन्ह्वाले गल्फ क्लब र बल निर्माणका लागि परिचित पिङटुङ काउन्टीको कारखानामा शुक्र्तावार राति स्थानीय समय ८:३० बजे आगलागी भएको जानकारी दिएको छ । स्थानीय अग्निनियन्त्रक अधिकारीहरूले तुरुन्तै २० भन्दा बढी दमकल र १०० जना अग्नि नियन्त्रकहरूलाई आगो नियन्त्रणमा खटाएका थिए । तर, कारखानामा ज्वलनशील पदार्थ र रसायन भएकाले आगो निभाउन कठिनाइ भएको जनाइएको छ ।
आगोले धेरै विस्फोटहरू भएको जसले कारखानाको छाना र पर्खालहरू भत्किएको तथा धेरै अग्निनियन्त्रकहरू र कारखानाका कामदारहरू भित्र फसेका सिन्ह्वाले जनाएको छ । शनिबार बिहानैसम्म उद्धारको प्रयास जारी रहेपनि आगो नियन्त्रणमा आएको थियो ।
आगलागी र विष्फोटको कारण अनुसन्धान भइरहेको छ । पिङतुङ काउन्टी सरकारले पीडित र उनीहरूका परिवारलाई सहयोग उपलब्ध गराउन आपतकालीन उद्वार केन्द्र स्थापना गरेको छ। काउन्टी मजिस्ट्रेट, पान मेन-आनले मृतकप्रति समवेदना व्यक्त गर्दै जिम्मेवार व्यक्तिहरूलाई जवाफदेही बनाउने बताएका छन ।
सत्य, तथ्य र स्वतन्त्र सामूदायिक डिजिटल मिडिया
