सोमाली राष्ट्रिय सेनाले शनिबार मध्य सोमालियाको गाल्मुदुग राज्यको तीन गाउँहरूमा जारी सैन्य कारबाहीमा २७ अल-शबाब लडाकूहरूलाई मारेको सिन्ह्वा समाचार एजेन्सीले रिपोर्ट गरेको छ।
शुक्रबार राति मिलिलिको सिल गम्बर र बालाल धीर गाउँहरूमा गरिएको अपरेसनले अल-शबाबका तीनवटा लुकेका ठेगानाहरू पनि ध्वस्त पारेको सोमाली रक्षा मन्त्रालयले बताएको छ।
सोमालियाको राजधानी मोगादिसुमा जारी विज्ञप्तिमा रक्षा मन्त्रालयले भनेको छ, “तीनवटा शत्रुको अड्डाहरूलाई निशाना बनाएर नष्ट गरियो र तिनीहरूका सवारीसाधन र सैन्य उपकरणहरू पनि नष्ट गरियो।”
पछिल्लो सैन्य कारबाहीको बारेमा अल-शबाब लडाकुहरूबाट तत्काल कुनै टिप्पणी गरिएको छैन। अन्तर्राष्ट्रिय सेनासँग मिलेर सोमाली सेनाले क्षेत्रीय अल-कायदासँग सम्बन्धित अल-शबाब सशस्त्र समूह बिरुद्व आक्रमण तीव्र पारेको छ।
सहयोगी सेनाहरूले अल-शबाब लडाकु समूहलाई २०११ मा मोगादिसुबाट बाहिर निकालेको थियो , तर इस्लामवादी समूहले अझै पनि सरकारी प्रतिष्ठानहरू, होटलहरू, रेस्टुरेन्टहरू र सार्वजनिक स्थानहरूलाई लक्षित गरी आक्रमणहरू गर्दै आएका छन ।
सत्य, तथ्य र स्वतन्त्र सामूदायिक डिजिटल मिडिया
