अमेरिकाका पूर्व राष्ट्रपति बाराक ओबामाले हालैको अमेरिकी चुनाव परिणामको प्रतिक्रिया स्वरूप एक भावुक सन्देश दिएका छन्। उनले आफ्नो आधिकारिक सामाजिक सञ्जालमा पोस्ट गर्दै भनेका छन, “अन्तिम केही हप्तामा र चुनावको दिनसम्म, लाखौं अमेरिकनले आफ्नो मत हाले – न कि केवल राष्ट्रपति पदका लागि, तर सबै स्तरका नेताहरूका लागि पनि। अहिले नतिजा आइसकेको छ, र हामी राष्ट्रपति डोनाल्ड ट्रम्प र सिनेटर जे.डी. भ्यान्सलाई उनीहरूको विजयको लागि बधाई दिन चाहन्छौं।”
ओबामाले यो नतिजा आफूले र आफ्नो पार्टीले अपेक्षा गरेको नतिजा नभएको बताएका छन्। उनले थपे, “हाम्रो दृष्टिकोण प्रायः रिपब्लिकन उम्मेद्वारसंग फरक रहँदै आएको छ, तर लोकतन्त्रमा बस्नु भनेको सधैं आफ्नो विचारले जित हासिल गर्ने छैन भन्ने बुझ्न हो, र सत्ताको शान्तिपूर्ण हस्तान्तरण स्वीकार्न तयार रहनु हो।”
ओबामाले उपराष्ट्रपति कमला ह्यारिस र गभर्नर वाल्जको पनि प्रशंसा गर्दै भने, “मिशेल र म उपराष्ट्रपति कमला ह्यारिस र गभर्नर वाल्जप्रति गर्व गर्छौं – दुई अद्वितीय सार्वजनिक सेवकहरूले विशेष अभियान चलाए। साथै, हामी उनीहरूको जितको लागि मन र आत्मा दुवै समर्पण गरेका सम्पूर्ण कर्मचारी र स्वयंसेवकहरू प्रति पनि सधैं आभारी हुनेछौं।”
उनले हालका चुनौतीहरूको चर्चा गर्दै भने, “अमेरिकाले गत केही वर्षमा महामारी, त्यसपछि बढ्दो महंगी, र तीव्र परिवर्तनजस्ता चुनौतीहरूको सामना गरेको छ। यी कठिनाईहरूले लोकतान्त्रिक पार्टीको समर्थकका लागि पनि कठिन स्थिति सिर्जना गरेको छ, र यो चुनावले देखाएको छ कि अमेरिका पनि यसबाट अछुतो छैन।”
ओबामाले यस कठिनाइको समाधान सम्भव भएको पनि बताए, तर यो समाधान तब सम्भव हुन्छ जब अमेरिकनहरूले एकअर्कालाई सुन्छन् र मुलुकको संविधान र लोकतान्त्रिक मूल्यहरूलाई पालना गर्छन्। ओबामाले भने, “यस्तो विशाल र विविध राष्ट्रमा, हामी सबै कुरा समान रूपमा देख्न सक्दैनौं। तर प्रगति तब मात्र सम्भव हुन्छ जब हामी सबैले एकअर्काप्रति शुभचिन्तासहित अगाडि बढ्छौं।”
ओबामाको यो सन्देशले लोकतान्त्रिक मूल्यहरूमा आधारित सहिष्णुता र मेलमिलापको सन्देश दिँदै, अमेरिका अझ न्यायपूर्ण, समान, र स्वतन्त्र बनाउने दिशामा अघि बढ्न सबैलाई प्रेरित गरेको छ।
सत्य, तथ्य र स्वतन्त्र सामूदायिक डिजिटल मिडिया
