ग्रीसमा दुईवटा रेल एक आपसमा ठोक्किएका छन् । यस घटनामा हालसम्म ३६ जनाको ज्यान गएको छ भने ६६ जना अस्पतालमा उपचारकालागी भर्ना भएको एथेन्स समाचार एजेन्सीले जनाएको छ । घटनास्थलमा राहत तथा उद्धार कार्य जारी छ । दुर्घटना ग्रीक शहर थेसालोनिकी र लारिसाको बीचमा भएको हो।
समाचार एजेन्सीका अनुसार राति अबेर एउटा यात्रुवाहक रेल र एउटा मालवाहक रेल ठोक्किएको थियो। दुर्घटनामा रेलका धेरै डब्बाहरु लिगबाट खसेका थिए । रेलका तीनवटा डिब्बामा आगो लागेको छ । यात्रुवाहक रेलमा सवार ठूलो संख्यामा यात्रु यस दुर्घटनामा घाइते भएको बताइएको छ । अहिलेसम्म ३६ जनाको शव निकालिएको छ भने ६६ जनालाई उपचार्थ अस्पताल लगिएको छ । जसमध्ये २५ जनाको अवस्था चिन्ताजनक रहेको बताइएको छ ।
दुर्घटनाको कारण तत्काल स्पष्ट भएको छैन, तर एक ५९ वर्षीय ग्रीक स्टेशन मास्टरलाई लारिसामा बुधबार औपचारिक रूपमा गिरफ्तार गरिएको बताइएको छ । टेम्पो नजिकै को यस दुखद रेल दुर्घटनामा दर्जनौं मारिएको र दर्जनौं घाइते भएकोमा उनलाई हत्याको आरोप लगाइएको छ । अन्य दुई जनालाई सोधपुछका लागि पक्राउ गरिएको छ ।
अनुसन्धान र साक्षीहरूको सुनुवाइको निरीक्षण गर्ने अधिकारीले पक्राउ वारेन्टमा हस्ताक्षर गरेको एथेन्स समाचार एजेन्सी (एएनए) ले लारिसाको अनुसन्धान ट्राफिक पुलिसलाई उद्धृत गर्दै बताएको छ।
एथेन्सबाट करिब २ सय ३५ माइल उत्तरमा रहेको टेम्पी नजिकै यो दुर्घटना भएको थियो। मंगलबार साँझ ३५० भन्दा बढी यात्रु बोकेको यात्रुवाहक रेल टेम्पो नजिकै अर्को मालबाहक रेलसँग ठोक्किएर दुर्घटना भएको थियो । यतिबेला राहतको काम हुदै गरेको बताइएको छ।
सत्य, तथ्य र स्वतन्त्र सामूदायिक डिजिटल मिडिया
