ट्रम्प प्रशासनले गोप्य युद्ध योजनाहरू गल्तीले द अटलान्टिक का प्रधान सम्पादक जेफ्री गोल्डबर्गलाई पठाएपछि तीव्र आलोचनाको सामना गर्नुपरेको छ। द अटलान्टिक को रिपोर्टअनुसार, गोल्डबर्गलाई “Houthi PC small group” नामक सिग्नल ग्रुप च्याटमा अनायास समावेश गरिएको थियो। उक्त च्याटमा रक्षा सचिव पीट हेगसेथ, राष्ट्रिय सुरक्षा सल्लाहकार माइकल वाल्ट्ज र उपराष्ट्रपति जेडी भान्सजस्ता वरिष्ठ अधिकारीहरू सहभागी थिए।
यो ग्रुप च्याटमा यमनका हौथी विद्रोहीहरूलाई निशाना बनाउने संवेदनशील सैन्य अपरेशनहरूबारे छलफल भएको थियो। गोल्डबर्गले सुरुमा ती च्याट म्यासेजहरूलाई गलत सूचना प्रशारण अभियानको रूपमा लिएका थिए, तर च्याटमा उल्लेखित हवाई आक्रमणहरू वास्तवमै सुरु भएपछि उनी स्तव्ध भएका थिए। आफ्नो लेखमा उनले राष्ट्रिय सुरक्षामा जोखिम नपरोस् भनी अपरेशनका गोप्य विवरणहरू खुलासा गर्न अस्वीकार गरेका छन।
ह्वाइट हाउसले यो घटनालाई स्वीकार गर्दै सिग्नल थ्रेडको प्रामाणिकता पुष्टि गरेको छ र सुरक्षा प्रोटोकलहरूको पुनरावलोकन गर्ने प्रतिबद्धता जनाएको छ। यो त्रुटिले दुई पक्षीय आक्रोश निम्त्याएको छ, जसका कारण सांसदहरूले गोप्य सूचनाको दुरुपयोगबारे छानबिनको माग गरेका छन्। यस्ता संवेदनशील सञ्चारका लागि गैर-सरकारी सन्देश अनुप्रयोगको प्रयोगले प्रशासनभित्र अपरेशनल सुरक्षाको गम्भीर चिन्ता उब्जाएको छ।
सत्य, तथ्य र स्वतन्त्र सामूदायिक डिजिटल मिडिया
