भारतको १५औं राष्ट्रपतिमा द्रौपदी मुर्मु निर्वाचित भएकी छन् । उनी राष्ट्रपतिका रुपमा पहिलो आदिवासी समुदायबाट निर्वाचित भएकी हुन् ।
सत्तारुढ भारतीय जनता पार्टीका राष्ट्रपतिका उम्मेदवार मुर्मुले विपक्षी दलका यशवंत सिन्हालाई पराजित गर्दै विजयी भएकी हुन् ।
बर्तमान राष्ट्रपति रामनाथ कोविन्दको कार्यकाल जुलाई २४ मा समाप्त हुने र मुर्मुले जुलाई २५ मा राष्ट्रपतिको पदभार सम्हाल्ने बताइएको छ। उनी भारतको पहिलो आदिवासी महिला राष्ट्रपति बन्नेछिन् ।
ओडिशाको अति पिछडिएको र संथाल समुदायकी ६४ वर्षीया द्रौपदीको यात्रा संघर्षले भरिएको छ । उनको जन्म २० जुन १९५८ मा ओडिशाको मयुरभञ्ज जिल्लाको बैदापोसी गाउँमा भएको थियो। उनको बुबाको नाम बिरांची नारायण टुडु हो। आदिवासी संथाल परिवारकी द्रौपदीको विवाह श्यामचरण मुर्मुसँग भएको थियो । उनीहरुका दुई छोरा र एक छोरी थिए । विवाहको केही समयपछि उनका श्रीमान् र दुवै छोराको मृत्यु भयो ।
उनी झारखण्डको अल्पसंख्यक संथाल जनजातिको प्रतिनिधित्व गर्छिन्।
उनले राजनीति र सामाजिक सेवामा करिब दुई दशक बिताएकि छन् र २०१५ मा झारखण्ड राज्यको पहिलो आदिवासी गभर्नरको रूपमा नियुक्त भएकी थिइन्।
मुर्मुले २०१५ देखि २०२१ सम्म झारखण्ड राज्यको नवौं मुख्यमन्त्री (राज्यपाल)को रूपमा सेवा गरिसकेकि छन्। उनका हजुरबुबा र बुबा पनि गाउँ पञ्चायतका अध्यक्ष थिए।
राज्यको राजनीतिमा आउनुअघि मुर्मुले विद्यालय शिक्षकको रूपमा काम गरेकी थिइन्। उनले श्री अरविन्दो इन्टिग्रल एजुकेशन एण्ड रिसर्च इन्स्टिच्युट, रायरंगपुरमा सहायक प्राध्यापक र ओडिशा सरकारको सिंचाई विभागमा सहायकको रूपमा पनि काम गरिन्।
मुर्मु १९९७ मा भारतीय जनता पार्टी (बीजेपी) मा आबद्व भईन र रायरंगपुर नगर पञ्चायतको पार्षद निर्वाचित भईन र सन् २००० मा यसको अध्यक्ष भईन । उनले अल्पसंख्यक जनजातिहरूको मोर्चाको राष्ट्रिय उपाध्यक्षको रूपमा पनि काम गरिन्। उनले उडिसा राज्यमा दुईपटक मन्त्रीको रुपमा काम गरिन
(एजेन्सीहरूबाट जानकारी सहित)
सत्य, तथ्य र स्वतन्त्र सामूदायिक डिजिटल मिडिया
