गर्मीको मौसम सुरु हुनासाथ आँपको सम्झना आउँछ । आँप एउटा यस्तो फल हो जसलाई फलको राजा पनि भनिन्छ । यसको पछाडिको कारण हो कि प्राय सबैले आँप मन पराउँछन्। आँप धेरै तरिकाले खाइन्छ। थरी थरी जातका पाकेको आँप लगायत काँचो आँप खान पनि धेरैलाई मन पर्छ। बनाइएको आँपको अचार खान सबैलाई मन पर्छ । गर्मीमा आँपको अचार घरघरमा राखिन्छ। अचार बनाउन धेरै मेहनत चाहिन्छ। सबैभन्दा गाह्रो काम अचारका लागि आँप काट्नु हो।
यदि तपाई पनि अचारको शौकीन हुनुहुन्छ तर आँप काट्न झर्को लाग्छ भने आज हामी तपाईलाई केहि सरल उपाय बताउनेछौ जसको माध्यमले तपाईले तुरुन्तै आँपको अचार तयार गर्न सक्नुहुन्छ । साथै , यस लेखमा हामी तपाईंलाई अचारको सरल रेसिपी र बनाउने विधि पनि बताउनेछौं, यसबाट तपाईंले बनाएको अचार लामो समयसम्म टिक्न सक्छ।
आँपको अचार बनाउन चाहिने सामाग्री
काटेको काँचो आँप : २ किलो
मेथी: १०० ग्राम
खुर्सानीको धुलो: स्वाद अनुसार
नून : स्वाद अनुसार
मुग्रेलो : ५० ग्राम
सौंफ: १०० ग्राम
बेसार पाउडर: ५० ग्राम
तोरीको तेल: १. ५ लिटर
विधि
१.आँपको अचार बनाउनका लागि आँपलाई बराबर भागमा (तल दिइएको आकारमा) काटेर नाङ्ग्लो वा फराकिलो ठूलो भाँडामा राखी घाममा सुकाउनु होस । घाममा सुकाउनु को अर्थ हो आँपमा रहेको पानी सुकाउनु।
२. केहि घण्टा पछि सुकेको (ओइलाएको) आँपलाई एउटा स्टिलको डेक्चीमा खन्याउनु होस्।
३. एक कप तेलमा माथिका सबै मसला हालेर राम्ररी मिलाउनुहोस्।
४. मिश्रित मसलाको थोरै भाग अचार राख्ने शिशाको जारको भित्री भागमा दल्नु होस् ताकि मसला जारको वरिपरि राम्ररी लागोस।
५. मसलाको मिश्रणलाई सुकाएको आँपका टुक्राहरू भएको स्टिलको डेक्चीमा खन्याउनु होस् र राम्ररी मिलाउनुहोस्।
६. अब मसला सहितको डेक्चीको आँपलाई जारमा भर्नुहोस्।
७. जारको अचारमा माथिबाट बाँकी मसलाको मिश्रण र तेल भर्नुहोस्।
८. त्यसपछि अचार भएको जारलाई एक हप्तासम्म घाममा राख्नु होस्। यसलाई सुकाउन बलियो सूर्यको किरण चाहिन्छ।
यी कुराहरूलाई ध्यानमा राख्नुहोस्
१. अचार राख्ने भाँडा पूरै सुख्खा हुनुपर्छ। यसका साथै अचारको लागि काँचो तोरीको तेल मात्र प्रयोग गर्नुहोस्। घरमै बनाएको मसला प्रयोग गर्नुभयो भने धेरै राम्रो हुन्छ र अचार लामो समयसम्म रहन्छ।
२. अचार घाममा सुकाको ३ वा ४ दिन पछि एक चोटि हेर्नुहोला, यदि अचारमा तेल सुकेको छ भने तेल थप्नु पर्छ । अचार सुक्खा भयो भने ढुसी आउछ। तेल थप्दा चाहि अचार डुब्ने गरी राख्नु होला।
