अंकुरित हरियो मूंग दाल (मूंगको टुसा) मा पोषक गुणहरु र असंख्य स्वास्थ्य लाभहरूको कारणले आजकाल स्वास्थ्यमा ध्यान दिने मानिसहरु घरमा मूंगको टुसा उमार्न थालेका छन्। उमारेको टुसालाई काँचो होस् वा पकाएर खाइयोस्, यसमा क्यालोरी कम हुन्छ, फाइबर र भिटामिन बी उच्च हुन्छ र यसले भिटामिन सी र के पर्याप्त रुपमा प्रदान गर्दछ। यसबाहेक, अंकुरण प्रक्रियाले यसको पोषण मूल्य बढाउँछ, एन्टिअक्सिडेन्टहरू प्रदान गर्दछ र अक्सिजनको स्तर बढाएर डिटक्सिफिकेशनमा मद्दत गर्दछ। आफ्नो खानामा हरियो मूंगको टुसा समावेश गर्दा पाँच महत्त्वपूर्ण स्वास्थ्य लाभहरू पाइन्छन :
१ . पाचनक्रिया नियमित गर्दछ: मूंगको टुसा फाइबरको एक उत्कृष्ट स्रोत भएकाले पाचनक्रियालाई नियमित गर्न मद्दत गर्दछ। फाइबरले आन्द्राको चाललाई नियमित गर्न, कब्जियत रोक्न र स्वस्थ पाचन प्रणाली कायम राख्न मद्दत गर्छ। मूंगको टुसामा फाइबरको उपस्थितिले भोक नियन्त्रण गर्न र तौल व्यवस्थापन गर्न समेत मद्दत गर्दछ।
२ . एनीमिया रोक्छ: एनीमिया एक अवस्था हो जुन रगतमा रातो रक्त कोशिका वा हेमोग्लोबिनको कमीले देखाउँछ। मूंगको टुसामा आइरन पर्याप्त प्राप्त हुने भएकाले रातो रक्त कोशिका उत्पादनको लागी सहयोगी हुन्छ । मूंगको टुसाको नियमित सेवनले आइरनको कमी पूर्ति गर्दछ र एनीमियालाई रोक्न मद्दत गर्दछ, जसले शरिरमा ऊर्जाको स्तर बढाउँछ र समग्र स्वास्थ सुधार गर्दछ।
३. तौल नियन्त्रणमा मद्दत गर्दछ: आफ्नो तौल व्यवस्थापन गर्न खोज्नेहरूका लागि मूंगको टुसाको सेवन अत्यन्त लाभकारी हुन्छ। क्यालोरीमा कम र फाइबरमा उच्च भएकोले यसले आवश्यक पोषक तत्वहरू प्रदान गर्दा भोक मेटाउँछ। फाइबरले पाचनक्रिया बढाउने र र रगतमा चिनीको स्तर कायम राख्न मद्दत गर्दछ, अस्वास्थ्यकर खाजा र अधिक खाने सम्भावना कम गर्दछ।
४ . कार्डियोभास्कुलर स्वास्थ्यको लागि सहयोगी : मूंगको टुसाले मुटुलाई स्वस्थ राख्न मद्वत गर्न सक्छ। यी टुसाहरुमा पाईने पोटासियमले रक्तचापलाई नियन्त्रण गर्न र उच्च रक्तचापको जोखिम कम गर्न मद्दत गर्दछ। यसका साथै , मूंगको टुसालेमा पाइने फाइबर र एन्टिअक्सिडेन्टहरूले खराब कोलेस्ट्रोल घटाउदै सरिरमा रक्त संचारको सुधार गरेर मुटुलाई स्वस्थ राख्न मद्दत गर्दछ।
५ . आँखाको ज्योति सुधार गर्दछ: मूंगको टुसामा प्रचुर मात्रामा भिटामिन ए पाईने भएकाले आँखाको स्वास्थ्यका लागि यसको प्रयोग लाभदायक हुन्छ । भिटामिन ए राम्रो दृष्टि कायम राख्न र उमेर-सम्बन्धित दृष्टि समस्याहरू रोक्नको लागि आवश्यक हुन्छ । मूंगको टुसामा पाईने लुटेन र जेक्सान्थिन, दुई महत्त्वपूर्ण एन्टिअक्सिडेन्टको उपस्थितिले आँखाको ज्योतिलाई तेजीलो बनाउन सहयोग गर्दछ ।
मूंगको टुसालाई सलादका रुपमा काँचो उपभोग गर्न सकिन्छ, स्यान्डविचमा थप्न सकिन्छ, वा विभिन्न पकाएको खानाहरू जस्तै सूप, तरकारी, वा स्टेयर -फ्राईहरूमा प्रयोग गर्न सकिन्छ।
अन्तमा, मूंग दालको टुसामा प्रचुरमात्रामा पोषक तत्व पाईने भएकाले यसबाट पाचनक्रियामा मद्दत हुने र मुटुको स्वास्थ्य सुधार हुने देखि तौल नियन्त्रण र आँखाको ज्योति बढाउनसम्म सहयोगी हुन्छ। त्यसोभए, किन गुणकारी मूंग दालको टुसालाई आफ्नो स्वस्थ आहारको रुपमा नियमित भाग नबनाउने? तपाईंको शरीरले टुसाको सेवनकालागि धन्यवाद दिनेछ!
सत्य, तथ्य र स्वतन्त्र सामूदायिक डिजिटल मिडिया
