नाइजरमा राष्ट्रपतिका गार्डका प्रमुख जनरल ओमर त्चियानीले देशको सत्तालाई नियन्त्रणमा लिदै आफूलाई नयाँ राष्ट्रपति घोषणा गरेका छन् । शुक्रबार राष्ट्रिय टेलिभिजनमार्फत उक्त घोषणा गरिएको हो ।
नाइजर सैनिकहरुले बिहिवार बिद्रोह गर्दै २०२१ मा कार्यभार सम्हालेका प्रजातान्त्रिक रूपमा निर्वाचित राष्ट्रपति मोहम्मद बजौमलाई हिरासतमा लिएपछि आज राष्ट्रपति गार्डका प्रमुख जनरल ओमर त्चियानीले आफु देशको प्रमूख भएको घोषणा गरेका हुन् ।
सत्ता कब्जा पश्चात नाइजरको आन्तरिक मन्त्रालयले राष्ट्रमा सबै प्रदर्शनहरूमा प्रतिबन्ध लगाएको छ । सेनाले देशको लागि सम्भावित विनाशकारी नतिजाहरू उद्धृत गर्दै सैन्य हस्तक्षेपको कुनै पनि प्रयासको बिरूद्ध विदेशी मूलकहरूलाई चेतावनी दिएको छ ।
उता, नाइजरका केही विपक्षी दलहरूले सैन्य विद्रोहलाई समर्थन व्यक्त गरेको सञ्चार माध्यमहरुले जनाएका छ , यद्यपि उनीहरूको संलग्नताका बारेमा स्पष्ट हुन नसकेको जनाइएको छ ।
यस कू को विभिन्न अन्तर्राष्ट्रिय संस्थाहरूबाट चर्को आलोचना भएको छ। अमेरिका , युरोपेली संघ, अफ्रिकी संघ , र रूस र जर्मनी जस्ता सरकारहरूले अस्थिरताको प्रयासको निन्दा गरेका छन्। युरोपेली संघले प्रजातान्त्रिक रूपमा निर्वाचित राष्ट्रपति बाजुमलाई आफ्नो समर्थनको वाचा गरेको छ।
अमेरिकी विदेशमन्त्री एन्टोनी ब्लिन्केनले राष्ट्रपति बाजोमको तत्काल रिहाइको लागि आह्वान गर्दै कानूनको शासन र सार्वजनिक सुरक्षाको सम्मान गर्न आग्रह गरेका छन् । यसैबीच, युरोपेली काउन्सिलका अध्यक्ष चार्ल्स मिशेलले राष्ट्रपति बाजुमलाई ईयूको समर्थनको आश्वासन दिदै कडा शब्दमा कू प्रयासको निन्दा गरेका छन् ।
नाइजरको अवस्था तनावपूर्ण रहेको छ। सैनिक कू पछि देश गृह युग्द्वमा जाने सम्भावनाबारे सर्वत्र चिन्ता बढेको र नाइजरले सैनिक कूको अन्तर्राष्ट्रिय छानबिन र निन्दाको सामना गरिरहेको छ।
सत्य, तथ्य र स्वतन्त्र सामूदायिक डिजिटल मिडिया
